في حياتي ورده جميله
لها معاني بكـــل الالــوان
بعيش معاها ذكريات جميله
وبحلم معاها بعشق الغرام

في كل وقت وكل ليله
على ضي القمر أنا سهران

بنادي العيون تكتب على الشجر
ويــــا الورود احــــلــى الكلام
ويشهد ليلي ويا القمر
أني انا عاشق ولهان

مــــا بين الورد قطفت ورده

من اجمل بستان
بهديها أنا لحبيبي ولكل العشاق
ولكل قلب حيران

كلمات للشاعر
رومانى حربي

دنيا ولينا مابدومشي
من ولد والولد والكل هايمشي
واللي عايش عليها
حي تعبان وليه احزان
جوه قلبه مابتنمشي
بعين سهرانه وعين تعبانه
وفكرها في الدنيا شارد
بكره ايه واللي يكون منعرفشي

يادنيا وفيكي التعب اللوان
كل واحد في مكانه واقف حيران
واليالي تطول فكر وانتظار
وان كان فيكي عمر لبكره
شويه بعد شويه بخار

يادنيا الشقه فيكي موصوف
لينا ولأوﻻدنا منقوش على الكفوف
تعب في تعب وللكل مكشوف

خساره دنيا لما حد فيكي
يعمل حساب لبكره ولأمانيكي
وانتي قاسيه بحلوك ومرك
وصورتك متزينه بس من بره
واللي يضحك فيكي مره

يبقي صابر علي همك وبلاويكي

دنيا كدابه وناسها غلابه
كل واحد في عمله بيجري
ولما يتعب يتقفل كتابه
وعلى بيته يروح يجري

دنيا وترجع من تاني امانيها
واللي هيجي يعيد نفس السطور
ويعيش الامل ويوالي الامور
ولما يخلص حبر الكلام
بعد انتظار وليالي طوال
قطر الحياه يوقف ويحين النزول

اجري ياابن ادم لملم في التراب
واللي باقي من عمرك شويه رماد
نفس داخل ونفس طالع
وبكره عايش وبعده يعالم
ايه هيكون .........

كلمات للشاعر
روماني حربي

سألت اهل الغرام يوصفولي دوا
من شكوه الحبيب ومن لوعه الهوا
ليا حبيب ولي طبيب وداوا
بس عيبه الوحيد بيخاف من الهوا

قولت لأهل الغرام
ليا حبيب وعقله مجنني
من قلبي قريب وبفكر تايه عني
يخاف من الهوى لو لف حواليا
وغيرته مره يناس ومش بأيديا
يزعل مني لو مشيت ومكلمتوش
ولو زعلان مني في مره ومصالحتوش

دا طبعي انا الضحكه
وعن وصفي بسمه جميله للكل
وقلبي يناس ابيض زي الفل

قلولي يااهل الغرام مين يفهمني
دا حبه بزياده ومن غيرته مجنني
ولو مبسوط انا بعاده يفتكر بعده عني
يقطع الحب وسنينه حلو وجميل
بس تعبه اكتر ويجن .......

كلمات

روماني حربي

خلاص يخال عبد الرحمن
بعد سنين تعب روحت لوطن الأوطان
وبعد غياب الشمس اتقفلت عليك البيبان
خلاص يخال عبد الرحمن

كنت بتحكي في كل الكلام
وتقول شعر وزجل وكمان موال
وتحكي على الوجع وعلى أم اللي مال
وعلى الالام وعلى اتوجع ومالو مكان
وتقول أنا عايز صبية يكون قلبها عليا
ترسملي على الطاقية وعلى الشال
ويكون قلبها قلب يمامة وتكون فرش ودار
تمسح دمعة بكايا ورموشها تكون غطايا
و إن طال الليل معايا كلمتها تكون نهار
خلاص يخال عبد الرحمن

كنت بتحكي للوطن وتقول فيه ياما كلام
عن الساده والعبيد واللي اتخدع زمان
وعن البلد وعشتها وعن شبابها التعبان
خلاص يخال عبد الرحمن

كنت بتكتب اغاني وأجمل كـــلام
في كل مناسبه بتزين الالوان
وشفت في العين الشمال
ألف عــــم و ألف خـــال
وشفت في العين اليمين
الشاكوش والمسطرين
والمراكب والحبالوالعساكر والنضال
خلاص يخال عبد الرحمن

روحت خلاص من الوطن ورحت وطن الاوطان
خلاص مفيش مكان للتعب ولا مكان حرمان
خلاص يخال عبد الرحمن

وداعاً يخال عبد الرحمن

كلمات
رومانى حربي

شاعرآ ولي الفخر عنوان
اسمو بكلماتآ يشهد لها الزمان
لي ذوقآ ولي شوقآ ولي أذان
أرتقي بالسمعي نحو ألاذهان
ولي فكرآ ولي نمطآ
يسري دأئمآ نحو الامام
ولي سلاحآ لن يفارقني
أحارب به التجارب في كل مكان
أﻻ وهو قلمي
سلاحآ ليس له إلا الكلام
له تعبيرآ وله القدره علي فهم الكثير
وله مرأءه تسجل الوصف الذي
يستطيع فهمه كل إنسان
إن عجز لساني يومآ عن التعبير
فلي قلمآ يشرح ويفسر الكثير

هو من يكتب كل افكاري
ويتراوي كل الاحداث بأستمراري
ويسجل عبر التاريخ كل خطواتي
وليس لي أملآ اﻻ كل ما هو أتي
أشرح فيه كل ما في صدري
وكل ما في حياتي .....

كلمات
روماني حربي

شاعر وصفه جميل
يقول اجمل كلام ويقول مواويل
ليه في كل قصيده حكايه
وفي كل موال يحكي اساطير
شاعر وشعره جميل 
بيهتف بمشاعر ملهاش مثيل
يقصد معاني بدون تغير
وللكلام موزون
على السطر مستقيم

دايمآ بيقول كلام
بالفصحه او العاميه
وفي اختيار مواضيعه
بيوصف فكر الانسانيه
في كل الاوقات تلاقيه موجود
وفي كل المناسبات وصف مالو حدود

له في كل مقامآ مقال
وله من التعابير أجمل ألأقوال
وفي وصفه له عده أدوار
كم من كلماتآ تزين السطور
وفي معناها كلماتآ ما أبهاها
وفي قافيتها تذهو بالعطور

كلمات
روماني حربي

بكت العين على ضناها
والقلوب تشكي لمولاها
واللي يتذكر معني الالام
لأم الشهيد يقول ويكتب القلم

متبكيش ياأم الشهيد
أبنك سافر للسما
وفي كل وقت وكل عيد
عـــــزائك أنه مع ربـــــنا

بلغي ياأم الشهيد
كل اللي عايش
من غير ابن ولا ضنى
قليلهم أن احني كلنا
عايشين ببركه ربنا

وكل اللي ضحو وراحو فدا البلاد
والامهات اللي بتبكي على فراق الاولاد
والاباء اللي كانو بيربو في عز الشباب
وصابرين صبر ايوب اللي طال
وقالو امتي يكبرو العيال
علشان تعب السنين يتعوض
بفرحه وضحكه وللمه وسط الاحفاد
ورساله للعمر تتذكر على مر السنين
فلان ابن فلان للناس كلها عارفين

ولما بدء الحلم يتحقق
فجئه رصاص اعمي في لحظه غدر
كسر الحلم وضــــــاع تعب السنين
وبكت العين والقلب بقي موجوع
في طريق حزين مفيش رجوع

وسافر الغالي وبقي حديث وموضع

نعمل ايه يارب شبابنا كل يوم بيموت
من جوه ومن بره وعلى الحدود
رصاص وأنفجار وضمير كله ضمار
أخبار وألام ومشاكل وكتر كلام
وعيون ملاها السهر وفارقها النوم
ومن شده الالام تعبانه مبتقوم
ومن الحزن اللي ظهر
ربنا قادر يمسح دمع العيون

كلمات
روماني حربي 

سايبني ياولدي ورايح فين
وانت منايه ياولدي وضي العين
عين اشــــوف أنـــا بيها
والتانيه تمشينى على الرجلين

سايبني ياولدي ورايح فين

فرحانه بيك ودأيماً جوه قلبي
وانت املي وكـــــل عمري
وانـــت عـــوضي بعد ابــــوك
وكل اللي باقي واخـــر صبـــري

سايبني ياولدي ورايح فين

بحلم في يوم اشوفك قدامي عريس
وأزفك فيوم فرحك واتباهي بيك
واتمناك فكل لحظه فرحان سعيد

سايبني ياولدي ورايح فين

زفــــوك ياولــدي للسما
وعيني وقلبي بيبكــــو عليــــك
مش قادره اصدق إنـــــــي انا
بأخد يــــاولـــــدي عــزايه فيك
ياريتني ياولـــدي كنت أنــــا
قبل مشوف اليــــوم ده ليــــك

سايبني ياولدي ورايح فين

بدعي لـــــربنا ياولــــدي
بالدموع والحزن جوه حشايه
يجعل ليك مكان في السما يضنايه
ويعوضني فيك صبر السنين
ويسامح اللي كان منه السبب
وربنا هوه وحـــــــده لينا معين

سايبني ياولدي ورايح فين

كلمات
روماني حربي 

يغايب لعيونك
قلبي سهران مبينام
كل يوم في احلامي
ببعتلك انا السلام
وبفتكر اجمل ايامي 
اللي عشتها انا معاك
وانت اجمل ذكرياتي وأجمل كلام
علي ضي القمر قاعد سهران وحيد
وبكتب علي الشجر يارب قرب البعيد
وبصبر قلبي وعايش على غرامك
يللي خليت للدنيا شكل تاني
وعيشتني الحلم ببعتلك سلامي
لعيونك بغني واقول انا مواويل
ياحلو انت يغالي ياابو رمش كحيل
يامسهرني اليالي والليل طويل
بعدك عني حبيبي ولله على العين
بشوفك دايمآ قدامي
والضحكه متفارق العين
والبسمه على خدودك
قمر ينور الليل
تعالي خدني جوه حضنك
ونعيش انا وانت اجمل حبيبين
يارب قرب البعيد
وابعت لاقلبه رساله
وحقق لينا المواعيد

كلمات
روماني حربي