ألو مين معايه

أيوه ياحبيبى أمك معاك
وحشني صوتــــك ياولدي

أزيك يااما وحشتيني
نفسي في حضنك ياأمي
يــرجــع تــانــي يـــدفيني
ولله يااما فراقك كان على عيني
سنين الغربه عليا طـــويله
بعدهـــــا يااما كـل يـوم وليلـه

معلش ياحبيبى
خليك صبور ومستعجلشي
دا مقدر ومكتوب ياولــــدي
تيجي شويه وبعدين تمشي
وسنين العمر ياولدي يادوب
شويه بعد شويه وبعدين نمشي

خـلاص يااما انا مالييت
مـــن سنين الغـــربه
تعبت أنا يااما وأتزليت
ويعدي علي ايام مابنمشي
كــــل ده علشان نعيش
هوه بلددنا يااما مفيهاش عيش

أرضـــي ياولدي بالنصيب
لقمه العيش منين متكون
فــي بلـــدك ولا بـــراهــــا
هي رساله ياولدي ولازم تقراها
وسلمها لربك ياولدي وعديها
دا حال الدنيا ياولدي
ولازم نــــــرضي بيها

ادعيلي ياامي وصليلي
أكمل ايام غربتي على خيـــر
ويجيبني ليكم بالاسلامه
سالم غانم يانور العين

بادعيلك ياضنايا من قلبي
في كل مره وانا بــــصلي
ينصــــرك ياولــــــدي
ويجبر ايامك وسنينك
بس انت متزعلشي

اشوفك ياامي على خير
وقولي لاخواتي يطمنو
انا هعمل كل اللي عليا
علشان هما فى الحياه يكملو
وليهم انا هشقي واتعب
علشان هـــــما يتعلمو

ربـــــنا يحميك ياولــــدي
وأنت سندي بعــد ابــــوك
ولـــو طـــال بيــــا الــزمـن
افـــرح بيك انــت واخــوك
واعـــزم كــل الحبايـــب
الحاضــر منهم واللي غــايب
واقـول لهم دا فرح الغالــي
سنــدي في الدنيا وراس مالي
من بعد ربنا وبعــــد ابــــوه

واقيم راسي وسط الخلايق
واتباهي انا بيك وسط الحبايب

مع السلامه يااما أوعي تنسبني
أذكريني في صلاتك وادعيلــــــي
ربنا معاك ياولدي مع السلامه ياحبيبي

 بقلم الشاعر
رومانــي حـــــربي