يادنيا الغربه
يادنيا ياما تغربت فيكي 
وشفت الشقا عليكى اللوان
بعين تضحك وعين تبكي
والدموع فيها متبان
على ناس وحشه فيكي متتعاشر
وناس فيكي جار عليها الزمان
يادنيا الخواطر فيكي قلت
وراح فيكي زمن الجدعان
كله للمصالح بقي شايل
حتي لو كان على حساب غلبان
ومبادئ فيكي راحت وولت
والاصول فيكى بعاده
مداريه وراى البيبان
وانا فيكي دايما بتعجب
وعلى امورك وطبعك زعلان
لما الكل يضحك في الظاهر
وضحكته وراها قضبان
ولما حد فيكي يتعاتب
يطلع فى النهايه غلطان
وانا مهما وصفت فيكى الكلام
واقول لده صح وده غلط وده حرام
وانصح كل واحد واقول ياما كلام
في الاخر يلومونى واطلع انا اللي غلطان
ليه يادنيا تهدي الاحلام
لما فيكى الامل يجري
والدم في العروق يهد جبال
والعرق ذي المطر
على جبين الناس اللوان
وانتي شكلك متزيين بس من بره
وناس فيكي من جوه أشكال والوان
خساره عليكي يادنيا
طبعك مسخ من عمايل بني الانسان
كلمات

رومانى حربي