أم الشهيـــــد وابنها الشهيد
:::::::::::::::::::::::::::::::::::

أم الشهــــيد ...
زينه الشباب ضاع مني 
ياحـــرقه قلبي عليه
ودمـــوعي نازله على خــدى
بتنـــده ياولــــدي عليك

الشهيد ...
دمــــوعــك ياامـــى غاليه عليا
نـــازله تبكى بجــرح تشكـــي
حــــزينه يــاامي عليا

أم الشهيـــــد ....
فــراقــك ياابنى معــزبـــني
بلف ودور على صورتك الجميله
فراقك ياابنى وجــع قلبـــي
اصبح ذكرى كل يوم وليله

الشهيــــد ...
بدل متبكى علي ياامى ادعيلى
واترحمى علي ياامى وصليلى
وادعي لربى يغفر ليا
وفى حضن سماه يعطينى

أم الشهيـــــد ....
فراقك ياولدى على عيني
وبطلب من ربى ياولدى يعزينى
ولو طول فى عمري وادانى
فى كل ليله ادعيلك
وبدموع في صلاتى اصليلك

الشهيــــد ....
متبكيش عليا ياامى
ارفعي عينك للسما
اطلبى من ربي واشكري
يضمنى فى حضنه انا

أم الشهيـــــد..
ياولدى من قلبى بدعيلك
وانت اول فرحتى
كان نفسي تكون جنبى
وتاخد عزايا انا

الشهيـــــد ...
متبكيش عليا ياامى متبكيش
دا مقــــدر ومكتــــــوب
علشان ياامي بلدى تعيش
ضحيت بنفس انا

أم الشهيــــد ...
ودعتك ياولدى بــدمــوع مــــرة
هتفضل عايش جــوه قلبـــي
ومش هنساك مـــــــره
وبدعي لربي ياولـــدى
يجعل دايما بلدنا مصر حــــره

الشهيــــــد .....
ادعي ياامى للشباب
اللي ماتو من قبلى
ومن بعدى يضحـــــو
واحكى للناس حكياتى
وقليلهم انا ام الشهيد

أم الشهيـــد ...
مع السلامه ياولدى
سلم على الحبايب اللي راحــــت
وقلهم انا مت علشان بلدى
وعلشان امــى تــرفع الراس
وتقول انا ام اللي غايب
انا ام الشهيــــد .....
انا ام الشهيــــد .....

كلمات
رومانى حربي