دنيا بس مظاهر
ناس بتجري تستر وقتها
وناس بتجري تضيع عمرها
وناس بتجري وراى المﻻيين
وتزين نفسها بس من بره
ومن جوه زي ماهوه مفيش تغيير
علي اساس إننا ليها مش عارفين
بمظاهر واشكال واللوان كتير
وتبني وتعلي في اطيان
وصراع في الدنيا
بدون وصف ومالو كيان
والشاطر والجدع يعمل كتير
حتي لو على حساب فقير وغلبان
يجري ويجري ومن غير تفكير
ويحور ويدور علي ايه مفيش
وميعرفشي معني غير للنفوذ
يعدي وسط الزحمه وعلى ناس يدوس
وكراسي ودوشه حوش يارب حوش
بس القبر مستني وبابه مفتوح
ناس بتعزم ناس وكله هيروح

طريق واحد مفيهوش رجوع
وروايح نتنه طالعه وروايح بخور تفوح
من اﻻعمال تلاقي كتير
خير شر كله بحساب مكتوب
ﻻ بيقول ده غني وﻻ ده فقير
وﻻ ده صغير وﻻ ده كبير
مكتوب على راس القبر
هنا من يرقد بعد شقاء السنين
فلان ابن فلان ومذكرش
إن كان غني وﻻ فقير
كلنا عند هذا المكان سواء
يميزنا شيئآ واحد أﻻ وهو الاعمال

كلمات
رومانى حربي