سألنى القلم أكتب ايه

قلتله اكتب اللي انت شايفه وبوح بيه
رد القلم قلي
فنفسي حجات كتير اكتبها
في دنيا كبيره مليانه مشاكل
ابدء منين ياصاحبى
بحبري انا شاتت اكتب ايه ولا ايه

قلت للقلم اكتب عن الشهيد
اللي عايش عن ناسه بعيد
فى همه ومع الخدمه واقف حديد
شارد في اللمه وسط الحبايب
وبضحكه جميله على وش العيد
ولما تكمل ايام الخدمه
يكتب كتابه ويبقى فرحان سعيد

رد القلم حزين
ابدء منين وﻻ منين
من اول الضحكه
وﻻ من شكل الدم اللي بيسيل
وﻻ من عيون مليها الحزن
ولا لأم راحت منها فرحت العيد

رديت للقلم وقلته
سجل الاحداث وأكتبها فى كتاب
تتقرا على مر التاريح
ويتعمل ليها الف حساب
ازاي راح العمر وراح الشباب
علشان وطن يضحي
والعمر متشال فوق الكتاف
مداريش الضحكه وﻻ لحظه عتاب
وقول لأم الشهيد ابنك عايش
بين القلوب مكانه ممات
ولكل اصحابه عاش بطل بثبات
وقول للناس الوحشه
دم الشهيد فــــدا البلاد

رد القلم وقال
انا هكتب من غير كسوف
وهترحم على اللي ماتو
وهقول للكل يشوف
جرح اللي راحو
وبلادنا مصر هتفضل على الكفوف
ومش هنخاف من حد تانى
حتى ولو شايل سلاحو
وكل شهيد دمه سال على التراب
واتكسرت فرحت شبابه
ودموع امهات على الخدود تنشاف
على فراق حبيب يوم زفافه

انا قلت للقلم
اكتب كمان ومتخفش
على ناس كتير راحت
ماتت ومن غير ذنب
علشان غدر اعمي مشفش
أطفال صغار فى سن الذهور فرحانه
وأهالي بتربي وبتكبر تعبانه
علشان حلم السنين سهرانه
وفاجئه رصاص اعمي هد الحلم
كسرت القلوب وبقت حزانه

رد القلم بدموع وألام
وقال خلاص
أنا هكتب ومن غير ندم
لربنا رساله
وهوه بس وحده يتصرف
يمسح دموع الحزانه وليهم يترائف
ويرحم دم شهدائنا وليهم يشوف
أما بخصوص احوالنا واللي معانا
فمفيش غيره أب حنين وعطوف

كلمات 

رومانى حربي