هو ده ابو
خفه دم وتواضع مالها مثيل
مع كل الناس صغير وكبير
مشاعر جميله طيب حساس
من مجرد الاسلوب بتحبه كل الناس
هوه دا ابويا
مسلم مسيحيي كان بيحبه
وللفقير والمحتاج كان بيوقف جنبه
كان شغله الشاغل رضا الجميع
اب حنين لكل الناس مطيع
هوه دا ابويا
اللي ياما سمعت منه اجمل كلام
ليه معاني وليه حكم وأمثال
ليه فى كل اجابه تفسير
ولكل كلمه خواطر وتعبير
هو ده ابويا
ليه بسمه جميله ضحكه بريئه
لما يضحك علطول تضحك معاه
ولما يبكي دموع تنزل وياه
هوه دا ابويا
كلام كتير بيعزي
ويطمن قلوب حزينه
ومعاه كل محنه بتعدي
وربنا دايمآ ليه حارس معين
هو دا ابويا
في مشيته كان أسد مارمرقص
وفي رسمته راجل عظيم
وفي وعظاته تأثير كبير
وفي كلماته شخصيه قياديه
هو ده ابويا
وقت الشده قوي وصبور
وفي حل الامور قوي جثور
وقت الحزن قلب حنين وقور
هو ده ابويا
صوته يشد الانتباه
وقوه عظيمه من عند الله
ووعظات تحكي عن نفسها
كلمات حيه فعاله كلمات حياه
هو دا ابويا
تملي بيردد مزامير داود
ليه وصف جدير مالو حدود
وفي تعبيره عزاء دايمآ بيسود
هوه دا ابويا
دايما كان بيكتب لينا اشعار
كلمات جميله كلها وقار
تشرح القلب وتنير الافكار
هوه ده ابويا
في كل البلاد كان بيطوف
تبشير وكرازة مارمرقص
كان دايما علي لسانه
ربنا موجود واقف قدامه
هوه ده ابويا
كان بيقول كله للخير
معني واضح شيئ جميل
سيب ربنا يتدخل وكله للخير
هوه ده ابويا
ومسيرها تنتهي رحله الاتعاب
وربنا معانا وفاتح لينا الباب
وربنا تملي مادد ايديه
بالاحضان مستني بعد الغياب
هوه ده ابويا
وبعد نياحته ساب لينا ذكرى جميله
وكلمات تطمئن قلوب كتير حزينه
ودلوقتي هوه في السما

عند ربنا بيتشفع لينا
هوه دا ابويا
اسمحلي ياابويا الكلام كتير
بس علي قد مقدرت من تعبير
إنما شخصك يستاهل كل الخير
هو دا ابويا
البابا شنوده
علامه لم ولن ينساها
الجميع على مر العصور
ذكري عطره على القلوب
سيذكرها العقل ويسجلها التاريخ

كلمات
روماني حربي