فاهم وﻻ اقول كمان

لما دموعك تكتر وعقلك يفكر
والقلب ينسى معني الحنان
لما تتصور ليك نفسك بجرح وايهان
لما حلمك يضيع منك وتتحسبن عليه كمان
لما الكل يبعد عنك يبقي اسمه كﻻم

فاهم وﻻ اقول كمان

لما تصعب عليك نفسك
لما تﻻقي على الحيطان رسمك
لما الناس توبخ فيك وتنكر اصلك
لما تلاقي جفى ودموع
وحزن كتير وقلب موجوع

فاهم وﻻ اعيد كمان

لما تضيع عمرك في الغربه
لما تحس انك حي وعايش في تربه
لما عينك تدمع فجئة مش بالزمه ده حرام

فاهم وﻻ اقول كمان

مش بالساهل وايه اللي يستاهل
انك مره تقدر نفسك وتعمل ليها كيان
وتفضل انت زي ماانت بتعيش حلم زمان

فاهم وﻻ اقول كمان

لما اللمه تبقي بعيده
وانت في همه وحاله شريده لما نفسك تبقي حزينه
وايه اللي هيكمل في غربه بعيده

فاهم وﻻ اقول كمان

لما تفكر مره تمدح في الاوطان
وانت بعيد وحلمك يكبر مالو مكان
وقلمك حاير في قلب الصفحه
يكتب مره وسط اللمه انا فرحان

فاهم وﻻ اقول كمان

لما بتنصح وبقلبك تفرح فقير محتاج
لما تحب على قد متقدر تساعد ناس
لما تسامح واقلبك يقدر يغفر كمان

فاهم الكلام وﻻ انا غلطان

كلمات
روماني حربي