طريق طويل ميشيناه 
وكله محسوب من عمرنا 
ووقت كبير ضيعناه 
بعيد خالص عن ربنا 
وكسل ونوم عشناه
مسيطرين على قلبنا
واحنا زى محنا
مفيش حاجه ابدا تهزنا
الا مواقف معينه
تقدر تهزنا
مثلا نقول .
فلان مات وراح من وسطنا
يصعب علينا ونعيش اللحظه
نندم ونقول ان الحياه لحظه
مع انه امر طبيعي
بس مجرد فيلم يمر قدمنا
بنعيشه لكام لحظه
والنهايه ايه
النهايه قليل بيرجع ويفكر
يقول الحياه فانيه ومش هتفضل
وكتير منا يقول ده مقدر مش اكتر
وان الحياه ماشيه ومش هتبطل
بس يخساره الكسل مالينا
والنوم فى العسل مسيطر علينا
والشيطان من الاجل بيحوم حوالينا
واحنا بنستسلم بكل سهوله
للرغبات والافكار الوحشه المجهوله
كائننا لسه بنتعلم واحنا فى سنه اولى
مش فهمين الصح والغلط 

وعارفين كل حاجه
بس لﻻسف دايما بنعمل الغلط
وبعدين لحد امتى
لحد امتى هنعمل فيها مش فاهمين
وعن طريق الصح محودين
وللغلط دايما عاملين
كفايه يلى بينا نفوق ونصحى
قبل فوات الاوان والسنين
نرجع كلنا ونقصد باب رب كريم
ونقوله خليك دايما معانه
وخلينا لحبك عارفين
واجعلنا ليك دايما مستعدين
واحفظنا من الشرور
وعدى السنين على خير
امين ...

كلماترومانى حربي