مش مهم يكون بالفصحه او العاميه
انما المهم يوصف فيه فكر الانسانيه
عقل يفكر قلب يحس
ولما المشاكل تكتر
قلم يكتب كل درس
مثلآ
دا طبعا مش امثله
ولكن دي الحقيقه
نقول ......
ناس كتير تعبانه
من امور في الحياه
وناس كتير هربانه
من مشاكل ومعناه
وناس تشكى من الالام تبكى
مش ﻻقيه سند في الحياه
وناس فى الدنيا تايها ياولداه
وناس تبكى بالدموع
وناس بالنسبالها
صوت الحق مش مسموع
واناس اعز ماليها
مات شهيد فى عمر الزهور
وناس اقرب ماليها
بقى وحيد ومش مسئول
وناس مش لاقيه تمن العلاج
وناس مش قادره تأكل العيال
وناس مظلومه ورا قضبان حديد
وناس كل يوم ظلمها للناس يزيد
وناس الطمع ماليها
حتى لو على حساب القريب
وناس حبايب وباعت
واجمل سنين عمر معاهم ضاعت
وناس بتودع ناس

وناس تستقبل ناس
وناس مستنيه الفرحه تهل
وناس بوشوش كلحه وضحكه سم
وناس محتاجه رحمه وشويه ضل
اخبار حوادث انفجارات قنابل
كلام كتير واكتر منه يغل
واحنا زى ما احنا مفيش جديد
انا هكتب وهفضل اكتب
طول ما انا عايش ومش هكل
ﻻن حياتنا هي هي مفيش جديد
لان حياتنا هي هي مفيش جديد

كلمات
روماني حربي